एकदा मागे वळून तर बघ..!!

एकदा मागे वळून तर बघ..

एक उनाड, खळखळून हसणारी..

मनमोहक अन् खट्याळ डोळ्यांची..

स्वतः वर भक्कम विश्वास असणारी..

हिंमत आणि धडाडी असणारी.. ती..

ती.. मागे राहिली आहे नदीच्या पल्याड..

एकदा तिच्याकडे वळून तर बघ..!!

नदीच्या अल्याड पोचली ती.. मोठं जंगल..

घनदाट.. निबीड अरण्यात हरवलेली ती..

बावरलेली.. अडखळलेली.. भेदरलेली..

सतत वाट चुकणारी.. धडपडणारी.. ती.. 

ती.. अजूनही.. मनाने नदीच्या पल्याड..

एकदा तिच्याकडे वळून तर बघ..!!

चालता चालता.. एक मध्येच पाणवठा..

तिला वाटले थोडेसे थबकावे मध्येच तर..

तिला वाटले थोडेसे विसावावे तिथे तर..

रस्ता चुकणार नाही.. थोडा मोकळा श्वास फक्त..

तिच्यातल्या तिला.. पुढची वाट चालण्यासाठी..

अग बयो, थांब थोडी.. त्या पाणवठ्याकडे..

एकदा त्याच्याकडे वळून तर बघ..!!