व्यंकटेश सुप्रभातम

कौशल्या सुप्रजा राम पूर्वा संध्या प्रवर्तते
उत्तिष्ठ नरशार्दूल कर्तव्यं दैवमान्हिकं !!१!!

>> हे श्रीरामा, कौसल्येचा पुत्र पूर्वेकडून पहाटेचे आगमन होत आहे.. हे नरशार्दुला आपली दैनंदिन दैवी कर्तव्य पार पाडण्यासाठी उठा, जागे व्हा..

उत्तिष्ठ उत्तिष्ठ गोविंद उत्तिष्ठ गरुडध्वज
उत्तिष्ठ कमलाकांत त्रैलोक्यम मंगलम कुरु !! २!!

 >> हे गोविंदा, हे गरुडध्वज उठा, जागे व्हा.. हे कमलाकांता त्रैलोक्याचे मंगल करण्यासाठी उठा, जागे व्हा..

हा झाला या दोन कडव्यांचा शब्दार्थ.. आता भाषेच्या लहेज्याबद्दल आणि व्याकरणाबद्दल थोडेसे..

राम, गोविंद, गरुडध्वज, कमलाकांत या सगळ्या शब्दांचा अर्थ श्री विष्णू .. भगवान विष्णू यांना संबोधून हे लिहिले असल्यामुळे या शब्दांची विभक्ती संबोधन एकवचन ही आहे..

उत्तिष्ठ म्हणजे उत + स्था (तिष्ठ) धातू .. ज्याचा अर्थ उठा असा आहे.

देवांच्या नावांमध्ये बऱ्याच वेळा बहुव्रीही समास वापरलेला आढळतो.. म्हणजे दोन शब्द एकत्र येऊन तिसरा शब्द तयार होतो.. जसे की..
गरुडध्वज - गरुड आहे ध्वजावर ज्याच्या असा तो
कमलाकांत - कमला (श्री लक्ष्मी) चा पती

पुढची कडवी लवकरच..